PINDA ASHTUSHWA NA UMASKINI ULIOKITHIRI UKEREWE, ASHANGAA MKURUGENZI KUKOSA UBUNIFU.

Mwandishi wetu, Ukerewe-Mwanza Yetu

MKURUGENZI Mtendaji  wa halmashauri ya wilaya  ya Ukerewe, Mwanza  Dr. Leonard Masale  ametakiwa  kuchukua hatua za  haraka  kukabiliana na tatizo la umasikini  linalowakabili wakazi wa  wilaya  hiyo.

Agizo hilo limetolewa na Waziri Mkuu Mizengo Pinda baada ya kupokea taarifa ya maendeleo ya wilaya hiyo iliyosomwa na mkuu wa wilaya hiyo Bi, Mery Tesha

Akionekana kushutushwa na hali ya  umasikini inayowakabili wakazi wa wilaya  hiyo alisema  hatakubali kuona  tatizo hilo linaendelea wakati viongozi wa  wilaya hiyo na mkoa  wakibaki bila kubuni na kuanzisha miradi ya kulitatua matatizo yanayowakabili wa kazi wa wilaya hiyo.

Alisema wakati wilaya nyingine za mkoa wa Mwanza wakazi wake wanakipato cha wasitani ya sh.  926,000 kwa mwaka katika wilaya ya Ukerewe pato la mwananchi ni wasitani wa sh. 340,000.

Alisema  wasitani wa kipato cha mkazi wa  Ukerewe  unaonyesha  kuwa kwa siku anapata  sh. 800 kiasi ambacho  ni chini ya  makisio ya  pato la taifa la sh. 1,500 kwa mtanzania  kwa  siku .

Kufuatia  hali hiyo amemuagiza  Dk. Masale  kubuni miradi yenye tija  ya kukabiliana na tatizo hilo ikiwemo  Ufugaji nyuki, kilimo  na  kuhakikisha  pato la  uvuvi linapatika na kuwanufaisha wakazi wa wilaya hiyo.

Akieleza zaidi  Pinda  alisema  wakati  asilimia 90 ya wilaya hiyo ni eneo la maji ya ziwa Victoria  lakini  pato linalotokana na rasilimali  hiyo aliwanufaishi  wakazi wake na kutaka juudi za  makusudi zichukuliwe ili  wananchi waondokane na umasikini uliokkisili.

Naye  Dr. Masale alisema  hatua mbali mabali za kukabiliana na tatizo hilo zinafanyika  ikiwemo  kuboresha  ufugaji pamoja na kutoa  mafunzo  ya kilimo na ufugaji bora pamoja na  kutoa mbegu  bora za mazao ya chakula na biashara   zinazoimili  magonjwa.

Blogzamikoa

www.blogszamikoa.blogspot.com