MIRADI YA MAJI KUGARIMU BIL. 238/-

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MAMLAKA ya Majisafi na Majitaka ya jijini Mwanza (Mwauwasa), inatarajia kutumia euro milioni 104.5, sawa na zaidi ya sh bilioni 238.7 kwa ajili ya kujenga na kutekeleza miradi mbalimbali ya maji safi ya kunywa na utunzaji wa mazingira.

Mkurugenzi Mtendaji wa Mwauwasa, Injinia Anthony Sanga, aliyasema hayo juzi jijini Mwanza, wakati alipozungumza kwenye uzinduzi wa maadhimisho ya Wiki ya Maji, yaliyofanyika jijini humo.

Sanga alisema kuwa kati ya fedha hizo, Euro milioni 90 zimetolewa kwa mkopo na Shirika la Maendeleo la Ufaransa (AFD), Benki ya Uwekezaji ya Ulaya (EIB), huku Serikali ya Tanzania ikichangia euro milioni 14.5.

Chanzo:Tanzania daima