IDARA YA AFYA YAWEKA MIKAKATI YA KUTUNISHA MFUKO WA BIMA YA AFYA YA JAMII- CHF

IDARA ya  afya  ya  halmashauri  ya wilaya  ya Ukerewe, Mwanza  imeweka mkakati kabambe  wa kuamasishasha na kupata  wanachama  zaidi  ya 10,000 wa mfuko wa  afya  ya jamii CHF  hifikapo  Julai mwaka  ujao.

 Kaimu  mganga  mkuu wa  wilaya  ya Ukerewe  Dr.  Nyanda  Kombe  amewambia  wajumbe wa  kikao maalumu cha uzinduzi  wa  bodi  ya afya  ya  wilaya  hiyo  kuwa  taratibu zilizowekwa  zinavuta  wananchi  wengi kujiunga  na mfuko huo.

Alisema    tangu  julai mwaka  jana  wanachama  wa mfuko huo  wameongezeka   toka  116  hadi  666   hivyo kukidhi sharti  la  mfuko huo  kupata  ruzuku  ya fedha  toka  serikali  kuu.

Akifafanua  alisema   baada  fedha ya  mfuko  huo kuanza  kutumika  hasa  katika ununuzi  wa dawa na vifaa tiba  tayari wametenga  dilisha  maalumu  la huduma  ya dawa  kwa wanachama  wa mfuko huo.

Alisema  utaratibu huo  unatolewa   katika vituo  vyote vya  afya  vya serikali  vya wilaya  hiyo  unamwezesha mwanacha wa mfuko  huo  kupata  dawa  na vifaa tiba bure katika kipindi cha mwaka  mzima baada ya kuchangia sh. 10,000.

Akifafanua  Dr. Kombe  alisema  tayari watumishi wote wa  idara hiyo wamepewa elimu ya uamasishaji  ikiwa ni pamoja  na maelekezo  ya  kutenga dawa  za  wanachama  wa mfuko huo wa CHF ili  wanapougua  wasikose  dawa.

Alisema  tayari  mikakati  hiyo  imeonyesha wazi kuvutia  wananchi  kwa kiwango kikubwa  hivyo  hadi kufikia  Julai mwaka  ujao  mfuko huo  utakuwa tayari na wanachama zaidi ya 10,000   watakao changia  zaidi ya  sh. Mil. 100.

Mratibu  wa  mfuko  huo  Dr. Sadick  Mtoigwa  alisema   mfuko huo   unakabiliwa  na changamoto  nyingi  ikiwemo baadhi ya  kamati za  afya  katika  Zahanati na vituo vya  afya  kutoa  msamaha kwa  wachangiaji  bila kuzingatia  sifa.

Akielezea ukubwa  wa tatizo hilo alisema   tangu  mfuko huo uanzishwe  zaidi  ya miaka tisa  iliyopita  zahanati  nane kati 27 zilizopo  azijapokea  mwanachama  hata  mmoja wa  CHF  tatizo ambalo kwa kiwango kikubwa linatokana na usimamizi  mbaya wa kamati hizo.    

Katika kikao hicho  cha uzinduzi wa bodi  ya afya   pia  ulifanyika uchaguzi  ambao  George  Majura  alichaguliwa kuwa mwenyekiti wa bodi hiyo  huku  Revocatus  Mtebe akichaguliwa kuwa mwenyekiti  wa kamati  ya usimamizi  ya  hospital ya wilaya hiyo.

Akizindua bodi  hiyo  mkuu wa  wilaya  hiyo Mery Tesha   amewataka  wajumnbe  wa bodi  hiyo kutimiza wajibu  wao hasa  kuamasisha   jamii ili ijiunge  na mfuko wa  bima ya  afya ya  jamii CHF.

 Alisema  taratibu  zilizopo zinaelekeza  iwapo  bodi  itashindwa  kutimiza  wajibu wake   hivunjwe    hivyo  ameonya kuwa   kama  hilo litatokea  hatasita  kuchukua hatua  lengo likiwa  kusimamia huduma bora  za afya  kwa  jamii. 

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.