DK.KAMATI; TENGENI MAENEO YA MIFUGO

WAZIRI wa Maendeleo ya Mifugo na Uvuvi, Dk. Titus Kamani, amezitaka halmashauri nchini kuangalia utaratibu mzuri wa kutenga maeneo ya mifugo na kuwa wasimamizi ili kuepusha migogoro inayotokea mara kwa mara.

Pia amewataka wafugaji kuwa na sikio sikivu kwa kuwa hakuna aliye sahihi kati yao na wakulima kutokana na wenzao kuhitaji eneo la kulima na wao kutaka eneo hilo hilo kwa ufugaji.

Alisema ardhi iliyopo haiongezeki, lakini mahitaji yanaongezeka, hivyo kuwasihi wafugaji kufuata sheria iliyopo ya ufugaji sambamba na kuwataka kufuga ng’ombe wa kisasa – mitamba, sambamba na kuwa na uwekezaji mkubwa unaohitajika.

Dk. Kamani alitoa kauli hiyo mwishoni mwa wiki kwenye kongamano la uwekezaji Kanda ya Ziwa alipozungumza na kundi la wafugaji, wavuvi na sekta zao ambao aliwataka kuwa wabunifu na kuwekeza kisasa, ili kuweza kupata pato na kujikwamua na umaskini.

Alisema serikali inataka kuhakikisha kuna maeneo ya uwekezaji na uwezeshaji kufanyika kwa haraka katika maeneo mbalimbali yenye tija kutokana na kuwa na ng’ombe milioni 22.8, kondoo milioni mbili, kuku milioni 35 na kwamba idadi ni kubwa ambayo inaweza kuleta tija.

 Chanzo;Tanzania Daima 

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.