DCC YARIDHIA KUANZISHWA HALMASHAURI YA MJI WA NANSIO

KAMATI  ya  maendeleo  ya  wilaya  ya Ukerewe, Mwanza  [DCC] imelidhia  pendekezo la  kuanzinshwa  halmashauri ya  mji wa  Nansio  wenye kata  14.

                  

Taarifa  ya  afisa  mipango  wa  halmashauri ya  wilaya  hiyo   Eliya  Kijanga  iliyowasilishwa  na kulidhiziwa  katika kamati  ya maendeleo ya wilaya  hiyo [DCC]  inaonyesha  kati ya  kata  hizo  nne ni mpya.

Kata  mpya  zimetajwa kuwa  Bulamba, Malegea, Mgalezi na Muhula  huku  kata  nyingine kumi zikitajwa kuwa ni Bukindo, Namagondo, Kakerege, Nakatunguru, Kagera, Ngoma Nkilinzya, Bukongo, Bukanda na  kata ya  Nansio iliyopanda  adhi  na kuwa  mamlaka ya mji mdogo tangu  mwaka 2004.

Afisa  mipango  msaidizi , Alex  Kabona   amekiambia kikao  hicho kuwa  pendekezo hilo  limezingatia  vigezo  vya kitaalamu ikiwemo  idadi ya  watu , huduma  za kijamii pamoja na  vyanzo  vya  mapato.

 Alisema kwa mjibu wa  sensa  ya watu na makazi  ya  mwaka 2012  eneo linalopendekezwa  kuwa  halmashauri  ya mji wa Nansio  lina  wakazi  103,607  hivyo kukithi  kigezo cha  idadi  ya watu.

Alisema   kigezo  hicho kinataka  eneo la halmashauri ya  mji  liwe  na  wakazi  wasiopungua  30,000 na kuongeza kuwa  pia huduma za  kijamii  kama vituo vya  afya ,  shule za msingi na sekondari ,  huduma za  fedha  na mawasiliano vimekidhi  vigezo.

Taarifa hiyo  inaonyesha  kuwa  katika  eneo la mji huo  lenye ukubwa  wa  kilometa za  mraba  zipatazo 164,889  pia zipo huduma za  mamlaka  ya mapato  TRA, kituo  cha polisi  na maduka   zaidi  ya 50 ya bidhaa  mbali mbali.

Katika  hatua nyingine  kikao hicho  pia kimelidhia  kata  ya Ilangala  iliyokuwa na vijiji vinane  igawanywe  na kupata kata mpya  ya Kakukulu  wakati huo  ikilidhiwa  pendekezo la  kuanzinshwa  vijiji  vipya  vinne.

Katika pendekezo  hilo kata  ya Ilangala  itabaki na vijiji vya Gallu, Kasenyi, Kamasi na  Mulutilima huku kata  ya Kakukulu ikiwa  na vijiji vya Mibungo, Namakwekwe, Masonga na Kitanga, wakati huo vijiji vipya  ni  Nampisi, Namakwekwe, Kitanga na Buzegwe.

Mkuu wa  wilaya  hiyo   Mery Tesha  alitaka   taratibu na kanuni  zizingatiwa  wakati wa   kupitisha  mapendekezo  hayo ili kuepuka   migongano baada  ya  pendekezo   

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.