Serikali yalaumiwa kutosambaza rasimu ya Katiba

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MASHIRIKA yasiyokuwa ya kiserikali yamelalamikia kitendo cha serikali kushindwa kusambaza kwa wananchi rasimu ya pili ya Katiba, jambo ambalo limesababisha Watanzania wengi kushindwa kujua kilichomo.

Wakizungumza jana katika mdahalo wa jukwaa la kujadili mchakato wa Katiba mpya, ulioandaliwa na Shirika la Kufuatilia Sera (MPI), la jijini Mwanza,  washiriki wa mdahalo huo walisema rasimu ya Katiba ya Kwanza ilisambazwa na kuifikia jamii kirahisi, tofauti na ilivyokuwa kwenye rasimu ya pili ya Katiba.

Walieleza hatua hiyo imechangia asilimia kubwa ya wananchi kushindwa kuelewa maudhui yaliyomo katika rasimu hiyo, hivyo wanaamini hata wajumbe wengi wa Bunge Maalumu la Katiba hawafahamu maudhui yaliyomo kwenye rasimu hiyo.

Chanzo;Tanzania Daima