Wajumbe Bunge la Katiba waonywa

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MASHIRIKA na asasi zisizokuwa za kiserikali kutoka mikoa ya Mwanza na Geita, wamewaonya wajumbe wa Bunge Maalumu la Katiba, kuhakikisha wanajadili na kupitisha Katiba nzuri inayotakiwa na wananchi ili kuepusha matatizo yanayoweza kulikumba taifa.

Aidha, imeelezwa Watanzania wengi hawahitaji kurudi kutumia Katiba iliyopo, badala yake wanataka Katiba mpya inayojali matakwa na masilahi yao na taifa kwa ujumla.

Onyo hilo lilitolewa jijini Mwanza juzi na washiriki wa warsha ya jukwaa la Katiba mpya, iliyoandaliwa na Shirika la Kufuatilia Sera (MPI), la jijini Mwanza na kufanyika ukumbi wa Nyakahoja jijini hapa.

 Chanzo;Tanzania daima