WALIMU
wakuu wa shule za msingi katika wilaya ya
Ukerewe, Mwanza wameagizwa kubuni mbinu za
kuondoa tatizo la madawati katika shule zao ikiwa ni
pamoja na kutumia fedha za ukarabati kutatua tatizo hilo.
Afisa
elimu wa elimu ya msingi wa wilaya
hiyo Fidelis Munyogwa aliagiza hayo jana katika shule
ya msingi Ingongo wakati anapokea madawati
62 mapya yaliyotengenezwa kwa fedha ya ukarabati.
Alisema
wakati umefika sasa wa kubuni mbinu mpya za kukabili
tatizo hilo hasa kwa kutumia miti ya shule pamoja
na fedha ya ukarabati kutengeneza madawati ya kutosha
ili kukidhi maitaji makubwa yaliyopo.
Akifafanua
mbali ya kupongea uongozi wa shule hiyo ya Igongo pia aliutanganza
utaratibu huo kuwa ndio mkakati na dira ya
halmashauri hiyo ya kukaondoa kabisa tatizo la
muda mrefu la upungufu wa madawati shuleni.
Taarifa
zilizopo zinaonyesha kuwa shule za msingi 123 za wilaya
hiyo zenye wanafunzi 80,590 zinaitaji madawati
37,404 lakini yaliyopo 14,986.
Kufuatia
hali hiyo amesema upo upungufu wa madawati 22,058
hali ambayo inathibisha kuwa idadi kubwa ya wanafunzi
wanakaa chini na pengine ndio sababu kubwa ya kushuka
kwa taalamu katika wilaya hiyo.
Kufuatia
hali hiyo Munyogwa amesema mwezi uliopita
halmashauri ya wilaya hiyo imepoke sh. Mil. 11,363,636
za kutengeneza madawati ili kupunguza tatizo hilo hata hivyo
amesema mbali ya waisani, serikali kuwajibika katika
hilo pia chango wa jamii unatakiwa ili kuwa na
nguvu ya pamoja kutatua changamoto zilizopo katika sekta ya elimu.
Naye
mwalimu mkuu msaidi wa shule ya msingi
Igongo Sedenslaus Kalamagi alisema
hiyo yenye wanafunzi 805 inaitaji madawati 389 lakini
yaliyopo ni 176 baada ya kutengeneza madawati hayo 62
mapya na sasa wanafunzi 130 wanakaa chini kwa kukosa madawati.
Alisema
katika kutekeleza mradi huo wamevuna miti 10 ya shule
pamoja na sh. 815,000 walizopokea kwaajili ya
ukarabati.
.jpeg)
0 comments:
Post a Comment