Serikali yaonya wanaojenga kwenye hifadhi ya Mlima Kiseke

SERIKALI imesema haitachukua dhamana kwa mtu atayeadhirika kiafya kwa kuvamia kisha kujenga makazi kwenye hifadhi ya Mlima wa Kiseke katika manispaa ya Ilemela mkoani Mwanza kutokana na eneo hilo kutengwa kwa ajili ya kujenga kituo cha Rada ya Hali ya hewa.

Kauli hiyo imetolewa na Naibu waziri wa Uchukuzi,Dk. Charles Tizeba wakti akizundua mradi wa kufikisha taarifza za hali ya hewa kwa wakulima,wafugaji,wavuvi na wasafirishaji katika Bonde la ziwa Victoria uliowekwa katika kijiji cha Nykarilo wilayani Sengerema.

Amesema Rada hizo hutoa Mionzi hatari ambayo huleta madhara makubwa kwa Afya za Binadamu Kama ugonjwa wa kansa na watoto kuzaliwa wakiwa walemavu.

Kauli hiyo ilikuja kufuatia eneo hilo kuvamiwa na watu kisha kujenga makazi ya kuishi hatua ambayo inaweza kuwaletea madahara ya kiafya inayotokana na Rada hiyo.

Kutokana na kuwepo kwa uvamizi huo,Dk.Tizeba amewataka watumishi wa Ardhi na mkuu wa wilaya ya Ilemela,Amina Masenza kuhakikisha wanadhibiti uvamizi huo.

Aidha mkurugenzi mkuu wa mamlaka ya hali ya hewa nchini,Agnes Kijazi amesema mradi huo wa majaribio wa majaribio umegharimu dolla 160,000 kwa ufadhili wa kutoka nchi ya Norway na kwamba utasaidia kukabiliana na maafa yanayotokana na mvua,upepo ziwani kupitia utaratibu maalumu kwa kushirikiana na taasisi na mamlaka zilizopo.