KAMPUNI YA PONGEZA KUPANUA AJIRA MWANZA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

MEYA wa Jiji la Mwanza, Stanslaus Mabula, ameupongeza uongozi wa Kampuni ya Tanzania ya Chemicotex, inayotengeneza mafuta ya nywele na vipodozi vinavyotokana na tunda la parachichi, kwa jitihada zake za kupanua ajira kwa vijana nchini.

Meya Mabula alitoa pongezi hizo mjini hapa juzi kwenye uzinduzi wa mafuta na vipodozi aina ya Tressa, ambayo yameelezwa kutibu magonjwa ya ngozi, mba na kuongeza vitamini mwilini.

“Nawapongezeni kwa kuanza uzalishaji wa mafuta ya nywele na vipodozi vinavyotokana na tunda la parachichi. Hakika vijana wengi watanufaika navyo kwa kuanzisha biashara za saluni,” alisema.

Meneja Biashara na Masoko wa kampuni hiyo, Manoj Kumarm, alisema vipodozi vinavyoingizwa nchini kutoka nje ya nchi vimekuwa vikileta madhara makubwa kwa Watanzania, kutokana na kutengenezwa kwa kemikali kali, na aliwaomba Watanzania kutumia Tressa inayotokana na matunda ya parachichi.

Alisema mbali ya Tressa kutunza nywele na kung’arisha mwili, pia inaongeza vitamini mwilini, na alitaja bidhaa nyingine wanazozalisha kuwa ni dawa za meno aina ya Whitedent.

Chanzo:Tanzania Daima