MFALME SIBOKA KUZINDUA ‘NDELULE’ UKEREWE LEO

na Mwandishi wetu

MFALME Costa Siboka akiwa na Mfalme Band, wanatarajiwa kushuka katika Ukumbi wa Nansio kisiwani Ukerewe, mkoani Mwanza katika onesho maalumu la uzindizu wa albamu yake ya nyimbo za asili inayokwenda kwa jina la ‘Ndelule.’

Mfalme Band iko ziarani mikoa ya Kanda ya Ziwa, maalumu kwa ajili ya uzinduzi wa albamu hiyo ambao unakwenda sambamba na shughuli mbalimbali za kijamii, chini ya udhamini Balimi Extra Lager na Konyagi.

Akizungumza kwa simu kutoka Mwanza jana, Mfalme Siboka alisema baada ya kuacha gumzo Kakola, Kahama na Geita, leo ni zamu ya wakazi wa kisiwa cha Ukerewe kushuhudia uzinduzi huo.

Siboka alisema, wakiwa Geita walipata nafasi ya kufanya kazi za kijamii kwa kutembelea kituo cha kulea watoto yatima na wale wenye ulemavu wa ngozi cha Golden Valley Medium.

Alitoa wito kwa wakazi wa Ukerewe, kujitokeza kwa wingi katika onesho la leo na hawatajuta kufanya hivyo.

Chanzo: Tanzania Daima